இனிமேல் பாரம்பரிய 6 இலக்க பின்கோடு எண்களை பயன்படுத்த வேண்டிய அவசியமில்லை. அதற்கு பதிலாக இந்திய அஞ்சல் துறை அறிமுகப்படுத்தியுள்ள DIGIPIN சேவையின் மூலம், உங்கள் இருப்பிடம் அடிப்படையில் ஒரு 10 எழுத்து/எண் கலவையுடன் கூடிய டிஜிட்டல் குறியீடு வழங்கப்படும்.
DIGIPIN என்பது உங்கள் வீடு, அலுவலகம் போன்றவற்றின் துல்லியமான கோஆர்டிநேட்ஸை அடிப்படையாகக் கொண்டு உருவாகும். இதன் மூலம், உங்கள் கடிதங்கள் மற்றும் பார்சல்கள் சரியான முகவரிக்கு செல்லும்.
DigiPin ஐ பயன்படுத்துவது தபால், கூரியர், அவசர சேவைகள் (போலீஸ், ஆம்புலன்ஸ், தீயணைப்பு) போன்றவற்றுக்கு பயனுள்ளதாகும்.
IIT ஹைதராபாத், NRSC, ISRO ஆகியவை இணைந்து இதனை வடிவமைத்துள்ளன. ஒவ்வொரு 4 மீ x 4 மீ இடத்திற்கும் தனித்துவமான 10 எழுத்துகளைக் கொண்ட குறியீடு வழங்கப்படுகிறது.
