இதுகுறித்து சி.பி.எஸ்.இ. அதிகாரிகள் கூறியபோது, 'நீட் தேர்வு கேள்விகளில் இடம்பெற்ற தவறுகள், முற்றிலும் கல்வி சம்பந்தப்பட்டவை. அவற்றுக்கு பாட நிபுணர்கள் தீர்வு அளிப்பார்கள். ‘நீட்’ தேர்வுக்கான அதிகாரபூர்வ விடைகள் வெளியிடப்படும்போது, மாணவர்கள் தங்கள் ஆட்சேபனைகளை எழுப்பலாம்' என்று கூறியுள்ளனர்.
நீட் தேர்வு வினாத்தாளில், 'ஒரு கேள்விக்கு, கொடுக்கப்பட்டிருந்த 4 விடைகளில், 2 விடைகள் சரியானவையாக இருந்ததாகவும், மற்றொரு கேள்விக்கு, கொடுக்கப்பட்டிருந்த 4 விடைகளுமே தவறானவையாக இருந்ததாகவும், இயற்பியல் சம்பந்தப்பட்ட ஒரு கேள்வி தவறாக இருந்ததாகதாகவும் மாணவர்கள் சுட்டிக்காட்டியுள்ளனர். அகில இந்திய அளவில் நடைபெறும் ஒரு தேர்வில் நான்கு தவறான கேள்விகள் இருக்கும் அளவிற்கு அதிகாரிகளின் அலட்சியம் இருப்பது குறித்து கடும் கண்டனங்கள் எழுந்து வருகின்றன.
