தேர்தல் விதிகளை மீறினாராம்: டெல்லி முதல்வர் மீது வழக்கு பதிவு செய்ததால் பரபரப்பு

டெல்லி முதல்வர் அதிஷி மீது வழக்கு பதிவு செய்யப்பட்டுள்ளதாகவும், அவர் தேர்தல் விதிகளை மீறி நடந்து கொண்டதாகவும் கூறப்படுகிறது. 

ஜனவரி 7 ஆம் தேதி, அரசு வாகனத்தை தேர்தல் அரசியல் நோக்கத்திற்காக பயன்படுத்தியதாக தேர்தல் நடத்தும் அதிகாரி டெல்லி முதல்வர் அதிஷிக்கு எதிராக புகார் அளித்தார்.

இந்த புகாரை அடுத்து, தேர்தல் பிரச்சாரத்திற்கு அரசு வாகனத்தை பயன்படுத்தியதாக டெல்லி முதல்வர் அதிஷி மற்றும் பொதுப்பணி துறை அதிகாரிகள் மீது காவல்துறையினர் வழக்கு பதிவு செய்தனர்.

இதுகுறித்த முதல் தகவல் அறிக்கையில், தேர்தல் நடத்தை விதிகளை மீறியதாகவும், அரசியல் நோக்கங்களுக்கு அரசு வாகனத்தை பயன்படுத்தியதாகவும் தெரிவிக்கப்பட்டுள்ளது. தேர்தல் பிரச்சாரத்தின் போது அரசு வாகனங்களை பயன்படுத்தக்கூடாது என்ற விதி இருந்தும், அதை மீறியதாக குறிப்பிடப்பட்டுள்ளது.

இது தொடர்பாக விசாரணை நடைபெற்று வருவதாகவும், விசாரணைக்கு பின்னர் அடுத்த கட்ட நடவடிக்கை எடுக்கப்படும் என்றும் கூறப்படுகிறது. இதனால் பரபரப்பு ஏற்பட்டுள்ளது.

Edited by Siva