1,10,30,176 ஆக உயர்ந்த இந்திய கொரோனா பாதிப்பு!
கொரோனா பாதிப்புகள் காரணமாக இந்தியாவில் தளர்வுகளுடன் கூடிய ஊரடங்கு அமலில் இருந்து வருகிறது. எனினும் நாளுக்கு நாள் கொரோனா பாதிப்புகள் அதிகரித்து வருகின்றன. கடந்த சில நாட்களாக ஒரு நாள் பாதிப்பு 30,000-க்கும் அதிகமாக இருந்த நிலையில் தற்போது குறைந்து வருகிறது.
நாடு முழுவதும் கடந்த 24 மணி நேரத்தில் புதிதாக 13,742 பேருக்கு தொற்று உறுதி செய்யப்பட்டுள்ள நிலையில் மொத்த பாதிப்பு எண்ணிக்கை 1,10,30,176 ஆக அதிகரித்துள்ளது. மேலும், கடந்த 24 மணி நேரத்தில் கொரோனாவால் 104 பேர் பலியான நிலையில், நாட்டின் மொத்த உயிரிழந்தோர் எண்ணிக்கை 1,56,567 ஆக உயர்ந்துள்ளது.
அதோடு தொற்றில் இருந்து ஒரே நாளில் 14,037 பேர் குணமடைந்துள்ள நிலையில் இதுவரை மீண்டவர்களின் எண்ணிக்கை 1,07,26,702 ஆக உயர்ந்துள்ளது என்பது குறிப்பிடத்தக்கது.
