கர்நாடகவில் காங்கிரஸ் - மஜத ஆட்சி கவிழும் என எதிர்பார்க்கப்பட்ட நிலையில் எம்எல்ஏக்களின் ராஜினாமா கடிதம் மீது சபாநாயகர் எந்த முடிவும் எடுக்காமல் இருந்தார். இந்நிலையில் ராஜினாமா கடிதம் அனுப்பிய காங்கிரஸ் எம்.எல்.ஏ நாகராஜை, காங்கிரஸ் கட்சியின் மூத்த தலைவர் டி.கே.சிவக்குமார் சந்தித்து பேசினார்.
இந்த சந்திப்புக்கு பின்னர் நாகராஜ் கூறியதாவது, ராஜினாமா செய்ய வேண்டிய சூழல் ஏற்பட்டதால் அவ்வாறு முடிவெடுதேன். தற்போது டி.கே.சிவக்குமார் உள்ளிட்டோர் ராஜினாமாவை திரும்பப் பெற வலியுறுத்தியதால் அதுகுறித்து பரிசீலிக்க உள்ளேன்.
