ஒரே ஆண்டில் ரூ.742 கோடி கட்சி நிதி: முதலிடத்தில் பாஜக!

ஜனநாயக சீர்திருத்தங்களுக்கான சங்கம் வெளியிட்டுள்ள கட்சி நிதி பட்டியலில் ரூ.742 கோடி நிதி ஈட்டி முதலிடத்தை பெற்றுள்ளது பாஜக.

ஆண்டுதோறும் அரசியல் கட்சிகள் பெறும் நிதிகள் குறித்த தரவரிசை பட்டியலை வெளியிட்டு வருகிறது ஏடிஆர் எனப்படும் ஜனநாயக சீர்திருத்தங்கள் சங்கம். 2018 – 2019ம் ஆண்டில் இந்திய அரசியல் கட்சிகள் பெற்ற நிதிகள் குறித்த தகவல்களை திரட்டி வெளியிட்டுள்ளனர்.

2018-19ல் பாஜக, தேசியவாத காங்கிரஸ், காங்கிரஸ் உள்ளிட்ட கட்சிகள் பெற்றுள்ள நிதி தொகை மொத்தமாக ரூ.1,951 கோடி ஆகும். 2017 – 2018ம் ஆண்டில் ரூ.437 கோடி ரூபாய் நிதி பெற்றிருந்த பாஜக 2018 – 2019ம் ஆண்டில் ரூ.742 கோடி ரூபாய் நிதி பெற்றுள்ளது. இந்த தொகை மொத்த கட்சிகளின் தொகையில் 78 சதவீதமாகும்.

அதேபோல கடந்த 2017-18 ல்  வெறும் ரூ.26.25 கோடொயே பெற்றிருந்த காங்கிரஸ் 2018-19ல் ரூ0.148.50 கோடி நிதி பெற்றுள்ளதும் குறிப்பிடத்தக்கது.

கட்சிகளுக்கு நிதியளித்துள்ளவர்களில் 92 சதவீதம் தனியார் பெருநிறுவனங்கள் ஆகும். ரூ.876 கோடி ரூபாய் பெறுநிறுவனங்களில் இருந்து பல்வேறு கட்சிகளுக்கு நிதியாக அளிக்கப்பட்டுள்ளது. 2017-18ம் ஆண்டு நிதிநிலையுடன் ஒப்பிடும்போது 2018-19ன் நிதி 109 சதவீதம் அதிகரித்துள்ளதாகவும் குறிப்பிடப்பட்டுள்ளது.