இந்த போட்டியின் முதல் பாதிநேர ஆட்டத்தின் 3-வது நிமிடத்தில் போர்ச்சுகல் அணியின் நட்சத்திர வீரர் ரொனால்டோ கோல் அடித்து அசத்தினார். பின்னர் 24-வது நிமிடத்தில் ஸ்பெயின் அணியின் கோஸ்டா கோல் அடித்தார். இதனால் ஆட்டம் 1-1 என சமமானது. இதனையடுத்து ரொனால்டோ மீண்டும் ஒரு கோல் அடித்து அசத்தினார். இதனால் ஆட்டம் 2-1 என்ற நிலையில் முதல் பாதி முடிந்தது.
இதைத்தொடந்து போட்டியின் இரண்டாவது பாதியின் 55-வது நிமிடத்தில் ஸ்பெயின் அணியின் கோஸ்டா மீண்டும் கோல் அடித்தார். இதனால் ஆட்டம் மீண்டும் 2-2 என சமமானது. பின்னர் 58-வது நிமிடத்தில் ஸ்பெயின் அணிக்காக நாச்சோ கோல் அடித்தார். இதனால் ஸ்பெயின் அணி 3-2 என முன்னிலை பெற்றது. பின்னர் போட்டியின் கடைசி நேரத்தில் ரொனால்டோ ஹாட்ரிக் கோல் அடித்தார் . இதனால் ஆட்டம் 3-3 என்ற கணக்கில் சமமானது.
