112 ரன்கள் என்ற எளிய இலக்கோடு ஆட வந்த கொல்கத்தா அணி அடுத்தடுத்து விக்கெட்களை இழந்து மோசமாக விளையாடுவதில் பஞ்சாப் அணிக்கு ஈடு கொடுத்தது. ஆனால் கொல்கத்தா அணி அதிரடி பேட்ஸ்மேன் ரஸ்ஸல் களத்தில் இருந்ததால் எப்படியும் அந்த அணி வெற்றி பெறும் என எதிர்பார்க்கப்பட்டது. ஆனால் அவரும் கடைசி ஆளாக விக்கெட்டை இழக்க கொல்கத்தா அணி 95 ரன்களுக்கு ஆட்டமிழந்து தோல்வியைத் தழுவியது.
இந்த நம்ப முடியாத வெற்றி குறித்து பேசிய பஞ்சாப் அணிக் கேப்டன் ஸ்ரேயாஸ் ஐயர் “என்னால் இப்போது பேசக் கூட முடியவில்லை. இந்த வெற்றியை எங்களால் நம்பக் கூட முடியவில்லை. சஹால் சிறப்பாக பந்துவீசி வெற்றியை எங்கள் பக்கம் இழுத்து வந்தார். இந்த வெற்றியால் துள்ளிக் குதிக்காமல் அடக்கமாக இருக்க முயற்சி செய்வோம். இந்த வெற்றி எங்கள் நம்பிக்கையை அதிகரித்துள்ளது.” எனக் கூறியுள்ளார்
