நடிகை ஸ்ரீதேவி கடந்த பிப்ரவரி மாதம் துபாயில் மாரடைப்பு காரணமாக உயிரிழந்தது குறிப்பிடத்தக்கது. குளியல் தொட்டியில் அவர் இறந்ததால் இந்த மரணத்தில் சந்தேகம் இருப்பதாக பலரும் தெரிவித்து வந்தனர். துபாய் போலீஸார் தீவிர விசாரணைக்கு பின்னரே உடலை ஒப்படைத்தனர். இதனால் அவரது மரணம் கொலையாக இருக்கலாம் என ஊடகங்களில் தொடர்ந்து செய்திகள் வெளிவந்து கொண்டிருந்தது.
ஸ்ரீதேவி மரணத்தில் சந்தேகம் இருப்பதாகவும், அவரது மரணம் குறித்து விரிவான விசாரணை நடத்தப்பட வேண்டும் என்றும் இயக்குநர் சுனில் சிங் உச்சநீதிமன்றத்தில் பொதுநல வழக்கு தொடர்ந்தார். இந்த மனுவை உச்சநீதிமன்றம் தள்ளுபடி செய்தது.
இந்நிலையில் நேற்று முன்தினம் வேத் பூஷன் என்ற முன்னாள் காவல் ஆணையர் ஸ்ரீதேவி மரணம் குறித்து ஒரு தகவல் அறிக்கை ஒன்றை வெளியிட்டார். அதில் “ துபாயில் ஸ்ரீதேவி மரணமடைந்த ஹோட்டல் அறையை பார்வையிட சென்றிருந்தேன். ஆனால் அந்த அறைக்குள் என்னை அனுமதிக்கவில்லை. அதனால் அந்த அறைக்கு அருகில் உள்ள அறையில் தங்கி என்ன நடந்திருக்கும் என்று விசாரித்தோம். அவர் மரணத்தில் மர்மம் உள்ளது. எதையோ மறைக்கிறார்கள்.
