நடிகர் ரவிச்சந்திரனின் மூத்த மகன் திடீர் மரணம்....

பழம் பெரும் நடிகர் ரவிச்சந்திரனின் மூத்த மகன் பாலாஜி உடல்நலக்குறைவு காரணமாக இன்று சென்னையில் மரணமடைந்தார்.

இயக்குனர் ஸ்ரீதர் இயக்கிய காதலிக்க நேரமில்லை படத்தின் மூலம் தமிழ் சினிமாவில் அறிமுகமானவர் ரவிச்சந்திரன். அதன் பின் அவர் பல படங்களில் நடித்தார். சற்று வயதான பின் ஊமை விழிகள் படத்தில் வில்லனாக நடித்து அவர் மிரட்டியிருந்தார். அதன் பின்பு சில படங்களில் நடித்த அவர் சில வருடங்களுக்கு முன்பு மரணமடைந்தார். 

இவருக்கு பாலாஜி, அம்சவர்தன் என இரு மகன்கள் உள்ளனர். இதில் ஹம்சவர்தன் சில திரைப்படங்களில் நடித்துள்ளார். அவரின் அண்ணன் பாலாஜி(50) தொழில் செய்து வந்தார். சிறுநீரக பாதிப்பால் அவதிப்பட்டு வந்த அவர் இன்று காலை சென்னையில் மரணமடைந்தார்.

அவரின் இறுதி சடங்குகள் இன்று மாலை நடைபெறும் என அறிவிக்கப்பட்டுள்ளது.