அதன் ஒரு பகுதியாக, புகழ் பெற்ற ஹாலிவுட் இயக்குநர்களான ஜேம்ஸ் கேமரூன், ஸ்டீபன் ஸ்பீல்பெர்க் ஆகியோரும்கூட பணம் பெற்றுக் கொண்டு ஆர்.ஆர்.ஆர். படத்தைப் பாராட்டினார்களா என்ற கேள்வியும் முன்வைக்கப்பட்டுள்ளது.
தெலுங்கில் புகழ் பெற்ற இயக்குநர் மற்றும் தயாரிப்பாளரான தம்மாரெட்டி பரத்வாஜ் ஆர்ஆர்ஆர் படம் குறித்து தெரிவித்துள்ள விமர்சனம் பெரும் சர்ச்சைக்கு வித்திட்டுள்ளது. ஆஸ்கர் விருதுக்காக ஆர்ஆர்ஆர் படத்தைப் பிரபலப்படுத்த ரூ.80 கோடி செலவிடப்பட்டிருப்பதாகவும் அதைக் கொண்டு 8 படங்களை உருவாக்கி இருக்கலாம் என்றும் அவர் விமர்சித்துள்ளார்.
"விமான டிக்கெட்டிற்காக மட்டுமே இந்தப் பணத்தைச் செலவழித்துள்ளனர், இதன் மூலம் அவர்கள் ரூ.80 கோடியை முதலீடு செய்துள்ளனர்," என்று அவர் குறை கூறியுள்ளார். பரத்வாஜின் விமர்சனத்திற்கு பிரபல தெலுங்கு நடிகர்கள், இயக்குநர்கள் பலரும் சமூக ஊடகங்களில் கருத்துகளைப் பதிவிட்டு வருகின்றனர்.
