உலகம் முழுவதும் கொரோனா பாதிப்பால் பல லட்சம் மக்கள் உயிரிழந்துள்ள நிலையில் உலக நாடுகள் பல கொரோனாவிற்கு தடுப்பூசி, மருந்துகள் கண்டுபிடிப்பதில் மும்முரமாக செயல்பட்டு வருகின்றன. இந்நிலையில் கொரோனாவிற்கு மருந்து கண்டுபிடித்துவிட்டதாக ரஷ்யா அறிவித்துள்ளது.
அதிகமான மருந்துகளை உற்பத்தி செய்ய வேண்டியுள்ளதால் ரஷ்யா இந்தியாவுடன் இணைந்து உற்பத்தியை தொடங்க திட்டமிடுவதாக செய்திகள் வெளியாகியுள்ளது. இதுகுறித்து ரஷ்ய முதலீட்டு நிதியத்தின் தலைமை நிர்வாகி கிடில் ட்மிட்ரிங் “தடுப்பூசி தயாரிக்கும் திறன் இந்தியாவிடம் அதிகமாக இருப்பதாக நாங்கள் நம்புகிறோம். இந்தியா தடுப்பு மருந்து தயாரிப்பதில் நல்ல திறன் கொண்ட நாடு. உலக நாடுகள் தடுப்பூசிகள் கண்டுபிடித்தாலும் அதை உற்பத்தி செய்வதில் பெரும் சிக்கல் உள்ளது. இதில் சர்வதேச ஒத்துழைப்பு ரஷ்யாவிற்கு தேவை” என தெரிவித்துள்ளார்.
