இந்தியாவுக்கு டாடா சொன்ன ஹார்லி டேவிட்சன்! – அதிர்ச்சியில் பைக்கர்ஸ்!

வெள்ளி, 25 செப்டம்பர் 2020 (13:55 IST)
இந்தியாவில் பைக் ரைடர்ஸின் பேவரைட் பைக் நிறுவனமான ஹார்லி டேவிட்சன் பைக் நிறுவனம் இந்தியாவிலிருந்து வெளியேறுவதாக அறிவித்துள்ளது அதிர்ச்சியை ஏற்படுத்தியுள்ளது.

அமெரிக்காவின் புகழ்பெற்ற பைக் நிறுவனமான ஹார்லி டேவிட்சன் நிறுவனம் இந்தியாவில் கடந்த 111 ஆண்டுகளாக தனது பைக்குகளை விற்று வருகிறது. இந்த நிறுவனத்திற்காக ஹரியானாவில் ஒரு தொழிற்சாலை மட்டுமே இந்தியாவில் இயங்கி வருகிறது. ஹார்லி டேவிட்சனின் மாடல் பைக்குகள் இன்றும் இளைஞர்களால் பெரிதும் விரும்பப்படும் பைக்காக இருந்து வருகிறது.

இந்நிலையில் உலக நாடுகளில் குறைவான அளவே தங்கள் பைக்குகள் விற்பனையாகும் நாடுகளில் இருந்து வெளியேற ஹார்லி டேவிட்சன் திட்டமிட்டுள்ளது. அந்த பட்டியலில் இந்தியாவும் உள்ளது. பலகோடி மக்கள் தொகை உள்ள இந்தியாவில் ஆண்டிற்கு 3 ஆயிரம் ஹார்லி டேவிட்சன் பைக்குகள் மட்டுமே விற்பனையாவது குறிப்பிடத்தக்கது.

மிகவும் பழமையான இந்தியர்களின் வாழ்க்கையோடு இணைந்த ஹார்லி டேவிட்சன் வெளியேறுவது பலருக்கு அதிர்ச்சியையும், சோகத்தையும், ஏற்படுத்தியுள்ளது.

வெப்துனியாவைப் படிக்கவும்

தொடர்புடைய செய்திகள்