தமிழ்நாட்டில் நாளுக்கு நாள் கோடை வெயில் அதிகரித்து வரும் நிலையில் பல இடங்களில் மஞ்சள் அலெர்ட், ஆரஞ்சு அலர்ட் வழங்கப்பட்டு வருகிறது. இந்த எச்சரிக்கை குறித்தும் பொதுமக்கள் பின்பற்ற வேண்டிய வழிமுறைகள் குறித்தும் பார்ப்போம்.
வெப்பநிலையானது செல்சியஸ், பாரன்ஹீட் என்ற இரு அளவுக்கோள்களில் அளக்கப்படுகிறது. செல்சியஸ் அளவின் படி 40 டிகிரி செல்சியஸ் வரையிலான வெப்பநிலை என்பது சாதாரண வெப்பநிலையாகும். இதனால் பொதுவாக வெயில் சார்ந்த பாதிப்புகள் ஏற்படுவதில்லை.
40 டிகிரி செல்சியஸ் முதல் 45 டிகிரி செல்சியஸ் வரையிலான வெப்பநிலை மஞ்சள் அலெர்ட்டாக அறிவிக்கப்படுகிறது. இந்த வெயில் பொதுவாக மக்களால் தாங்க கூடிய அளவுதான் என்றாலும், குழந்தைகள், முதியவர்கள் வெயில் தாக்கத்தால் பாதிக்கப்படும் வாய்ப்பு உண்டு. அதனால் மஞ்சள் அலெர்ட் பகுதிகளில் குழந்தைகள், முதியவர்கள் வெயிலில் வெளியே செல்வதை தவிர்ப்பதும், முடிந்தளவு வெளியே செல்ல தொப்பி, குடைகளை பயன்படுத்துவதும் நல்லது.
47 டிகிரி செல்சியஸுக்கு மேல் ரெட் அலெர்ட் எனப்படும் ஆபத்தான வெப்பநிலையாகும். ஹீட் ஸ்ட்ரோக் உள்ளிட்ட வெப்ப வலிப்பு நோய் ஏற்படும் அபாயத்தை ஏற்படுத்தக் கூடியது. அதிகளவில் தண்ணீர் பருகுவதும், முடிந்தளவு நடு மதிய நேரங்களில் வெளியே செல்வதை தவிர்ப்பதும் நல்லது.
