’தீரன் அதிகாரம் ஒன்று’, ’கைதி’, ’சுல்தான்’, மற்றும் ‘என் ஜி கே’ உள்ளிட்ட படங்களைத் தயாரித்த டிரீம் வாரியர்ஸ் பிக்சர்ஸ் நிறுவனம் அடுத்து சூர்யா நடிப்பில் ஆர் ஜே பாலாஜி இயக்கும் படத்தைத் தயாரிக்கவுள்ளது. இந்த படத்துக்கு ஏ ஆர் ரஹ்மான் இசையமைக்கிறார்.
இந்த படத்தின் ஷூட்டிங் நவம்பர் தொடக்கத்தில் தொடங்கும் என சொல்லப்பட்டது. ஆனால் இப்போது சூர்யாவின் கங்குவா பட ரிலீஸை ஒட்டி சில வாரங்கள் தாமதமாக தொடங்கும் என சொல்லப்படுகிறது. மேலும் இந்த படத்துக்காக சில கெட்டப் மாற்றங்களை சூர்யா செய்யவேண்டியுள்ளதால், அதற்கும் கொஞ்சம் காலம் தேவைப்படுவதால் இந்த முடிவை எடுத்துள்ளதாக சொல்லப்படுகிறது.
