சிவகார்த்திகேயன் பட பாடகியை நடிகையாக்கிய விக்னேஷ் சிவன்

இயக்குநர் விக்னேஷ் சிவன் தற்போது காத்துவாக்குல  ரெண்டு காதல் என்ற படத்தை இயக்கி வருகிறார். இப்படத்தில் நடிகர் விஜய் சேதுபதி நடிக்கிறார். அவருக்கு ஜோடியாக நயன்தாரா மற்றும் சமந்தா ஆகிய  இருவரும் நடித்து வருகின்றனர்.

தற்போது ரெளடி பிக்சர்ஸ் என்ற பெயரில் தயாரிப்பு நிறுவனம் ஆரம்பித்துள்ள விக்னேஷ் சிவன் ஏற்கனவே கூழாங்கல், நெற்றிக்கண் ஆகிய படங்களை தயாரித்துள்ள நிலையில் தற்போது, வாக்கிங் டாக்கிங் ஸ்ட்ராபெரி ஐஸ்கிரீம் என்ற படத்தை தயாரித்து வருகிறார். இப்படத்தை அவரிடம் உதவி இயக்குநராகப் பணிபுரிந்த வி.விநாயக் என்பவர் இயக்கிவருகிறார்.

இப்படத்தில் கே.கே என்பவர் ஹீரோவாக நடித்துவருகிறார். இப்படத்தில் பிரபல பாடகி ஜேனிடா காந்தி என்பவர் நடித்து வருகிறார். இவர் சமீபத்தில் டாக்டர் படத்தில் பாடிய செல்லம்மா பாடல் வைரலானது குறிப்பிடத்தக்கது.