தெலுங்கு இயக்குனர் எஸ்.எஸ்.ராஜமௌலி இயக்கத்தில் ராம்சரண், ஜூனியர் என்.டி.ஆர், ஆல்யா பட், அஜய்தேவ்கன் உள்ளிட்ட பலர் நடித்த படம் ஆர்.ஆர்.ஆர். உலகம் முழுவதும் வெற்றிகரமாக ஓடி ரூ.1000 கோடிக்கும் மேல் வசூலித்தது இந்த படம். இந்நிலையில் ஆஸ்கர் விருதுக்கான இந்தியாவின் பரிந்துரை படங்களின் பட்டியலில் ஆர்.ஆர்.ஆர் படமும் இடம்பெற்றிருந்தது. ஆனால் இந்திய அரசின் சார்பில் ”செல்லோ ஷோ (Chhello Show)” என்ற குஜராத்தி படம் ஆஸ்கர் பரிந்துரைக்கு அனுப்பப்பட்டது.
இந்நிலையில் இப்போது ஆர் ஆர் ஆர் திரைப்படம் ஜாப்பனீஸ் மொழியில் டப் செய்யப்பட்டு அங்கு நாளை முதல் ரிலீஸ் ஆகிறது. இதற்கான ப்ரமோஷன் நிகழ்ச்சியில் ராஜமௌலி, ஜூனியர் என் டி ஆர் மற்றும் ராம்சரண் ஆகியோர் கலந்துகொண்டுள்ளனர்.
