‘ஒருநாள் கூத்து’ படத்தை இயக்கிய நெல்சன் வெங்கடேசன் அடுத்ததாக இயக்கும் படத்தில் ஹீரோவாக நடிக்கிறார் எஸ்.ஜே.சூர்யா. இந்தப் படத்தை, ‘மாயா’, ‘மாநகரம்’ படங்களைத் தயாரித்த பொட்டென்ஷியல் ஸ்டுடியோஸ் நிறுவனம் சார்பில் எஸ்.ஆர்.பிரகாஷ் பாபு, எஸ்.ஆர்.பிரபு தயாரிக்கின்றனர்.
இந்தப் படத்தில் எஸ்.ஜே.சூர்யா ஜோடியாக பிரியா பவானிசங்கர் நடிக்கிறார். ‘மேயாத மான்’ படத்தின் மூலம் ஹீரோயினாக அறிமுகமான பிரியா பவானிசங்கர், தற்போது கார்த்தியின் ‘கடைக்குட்டி சிங்கம்’ படத்தில் கமிட்டாகியுள்ளார். அதைத் தொடர்ந்து இந்தப் படத்தில் நடிக்கிறார்.
