கலாபவன் மணியின் மரணம், அதிக மதுவால் ஏற்பட்டதில்லை, கடும் விஷமுள்ள ரசாயன பொருள்கள் உள்கொண்டதாலேயே மரணம் சம்பவித்தது என்பதை உடல் உள்ளுறுப்பு பரிசோதனையில் தெரிய வந்தது. கலாபவன் மணி தற்கொலை செய்து கொண்டாரா இல்லை கொலை செய்யப்பட்டரா என்பதை கேரள மாநில போலீசார் விசாரணை நடத்தி வந்தனர்.
இந்நிலையில், நேற்று மாலை கேரள டி.ஜி.பி. லோக்நாத் பெஹ்ரா, மனித உரிமை ஆணையத்திற்கு அனுப்பிய கடிதத்தில், கலாபவன் மணி மரணம் குறித்த வழக்கை சி.பி.ஐ. விசாரிக்க இருப்பதாகவும், இது தொடர்பான ஆவணங்களை அவர்களிடம் ஒப்படைக்க உள்ளதாகவும் கூறி உள்ளார்.
