சென்னை பாக்ஸ் ஆபிஸ் - சாதனை வசூலுடன் கபாலி முதலிடம்

5. சுல்தான் (இந்தி) 

சல்மான் கானின் சுல்தான் சென்ற வார இறுதியில் 87.12 ஆயிரங்களை மட்டும் வசூலித்து ஐந்தாவது இடத்தில் உள்ளது. கடந்த ஞாயிறுவரை இதன் சென்னை வசூல் 2.15 கோடிகள்.

4. ஐஸ் ஏஜ் - கொலிஷன் கோர்ஸ் (ஆங்கிலம்)

இந்தப் படம் சென்ற வார இறுதியில் 1.04 லட்சங்களை மட்டும் வசூலித்து நான்காவது இடத்தைப் பிடித்துள்ளது. 

3. தில்லுக்கு துட்டு

சந்தானத்தின் இந்த பேய் படம் மற்ற படங்களைப் போல கபாலியால் கடுமையாக பாதிக்கப்பட்டுள்ளது. தொடர்ந்து இரண்டு வார இறுதிகளில் ஒரு கோடியை தாண்டி வசூலித்த இப்படம் சென்ற வார இறுதியில் வெறும் 2.2 லட்சங்களை வசூலித்துள்ளது. இதன் இதுவரையான சென்னை வசூல் 4.07 கோடிகள்.

2. ஸ்டார் ட்ரெக் பியாண்ட் (ஆங்கிலம்)

சென்ற வாரம் வெளியான இந்தப் படம் முதல் மூன்று தினங்களில் 2.79 லட்சங்களை வசூலித்து இரண்டாவது இடத்தைப் பிடித்துள்ளது.

1. கபாலி

வார இறுதியில் ஒரு கோடியை ஒரு தமிழ் படம் சென்னையில் தாண்டுவதே சாதனை. கபாலி தினம் ஒரு கோடியை தாண்டி, முதல் மூன்று தினங்களில் சென்னையில் மட்டும் 3.49 கோடிகளை தனதாக்கியுள்ளது. இது திரையரங்குகளுக்கு அரசு நிர்ணயித்த டிக்கெட் கணக்கு. இதைவிட பல மடங்கு அதிகம் விலை வைத்தே டிக்கெட்கள் விற்கப்பட்டன என்பதை நினைவில் கொள்க.

வெப்துனியா செய்திகள் உடனுக்குடன்!!! உங்கள் மொபைலில்... இங்கே க்ளிக் செய்யவும்