தமிழ் மற்றும் தெலுங்கு சினிமாவின் முன்னணி நடிகைகளில் ஒருவரான சமந்தா தற்பொழுது பேமிலி மேன் இயக்குனர்கள் ராஜ் & டிகே இயக்கத்தில் சிட்டாடல் என்ற வெப் தொடரில் நடித்து வருகிறார். கடந்த சில ஆண்டுகளாக அவர் மையோசிட்டிஸ் எனும் உடல்நலப் பிரச்சனையால் பாதிக்கப்பட்டுள்ளதால் அவர் அதிகமாக படங்களில் நடிக்கவில்லை என்று சொல்லப்படுகிறது.
இந்நிலையில் அவர் அளித்துள்ள நேர்காணலில் “மையோசிட்டீஸ் பிரச்சனையை கண்டறிவதற்கு முந்தைய ஆண்டுதான் எனக்கு மிகவும் கடினமான ஆண்டு. அப்போது நீண்ட நாட்களாகவே நான் நிம்மதியில்லாமலும் அமைதியில்லாமலும் இருந்து வந்தேன். இப்போது அதிலிருந்து விலகியுள்ளேன். இனிமேல் வேலைகளில் கவனம் செலுத்துவேன்” எனப் பேசியுள்ளார். மையோசிட்டீஸ் பிரச்சனைக்கு ஒரு ஆண்டுக்கு முன்புதான் சமந்தா தன்னுடைய கணவரை பிரிந்தார். அதனால்தான் அந்த ஆண்டை கடினமான ஆண்டு எனக் கூறியிருக்கிறார்.
