அமெரிக்காவில் உள்ள ஸ்டான்ஃபோர்டில் நடைபெறும் பேங்க் ஆஃப் வெஸ்ட் கிளாசிக் டென்னிஸ் தொடர் மகளிர் ஒற்றையர் காலிறுதிச் சுற்றுக்கு அமெரிக்க வீராங்கனை செரீனா வில்லியம்சும், ஜப்பான் வீராங்கனை அய் சுஜியாமாவும் தகுதி பெற்றுள்ளனர்.
போர்ச்சுக்கல் நாட்டைச் சேர்ந்த 15 வயது வீராங்கனை லார்ச்சர் டி பிரிட்டோ என்ற வீராங்கனையை 4- 6, 6- 3, 6- 2 என்ற செட் கணக்கில் வீழ்த்தினார் செரீனா வில்லியம்ஸ்.
ஜப்பான் வீராங்கனை அய் சுஜியாமா, ஸ்லோவேகிய வீராங்கனை ஹன்டுசோவாவை 6- 3, 6- 1 என்று வீழ்த்தி காலிறுதிக்கு முன்னேறினார்.
இவர் காலிறுதியில் மற்றொரு ஸ்லோவேகிய வீராங்கனையான சிபுல்கோவாவை சந்திக்கிறார்.
ரஷ்ய வீராங்கனை அன்னா சக்வெடாட்சே இஸ்ரேல் வீராங்கனை ஷாஹர் பியரை 6- 3, 6- 4 என்ற செட் கணக்கில் வீழ்த்தி காலிறுதிக்கு முன்னேறினார்.
