இந்திய அணி இப்போது இங்கிலாந்துக்கு எதிரான தொடரில் சிறப்பாக விளையாடி வருகிறது. ஆஸ்திரேலியாவில் நடந்த டெஸ்ட் தொடரையும் வென்ற இந்தியா, வரிசையாக சிறப்பான ஆட்டத்தை வெளிப்படுத்தி வருகிறது. இந்நிலையில் வெஸ்ட் இண்டீஸ் அணியின் ஜாம்பவான் கிரிக்கெட் வீரரான கிளைவ் லாய்ட் தற்போது இருக்கும் இந்திய அணியே மிகச்சிறப்பான அணி என கூறியுள்ளார்.
டெலிகிராப் பத்திரிக்கையில் அவர் எழுதிய கட்டுரையில் ‘இந்திய அணியிடம் வெரைட்டி இருக்கிறது. நல்ல வலுவான வீரர்கள் உள்ளனர். தொழில்முறையான் ஆட்டத்தோடு கூடிய பல வீரர்கள் உள்ளனர். ஆஸ்திரேலியாவில் அவர்கள் பின்னடைவுக்கு பின்னர் எழுந்ததை வைத்து சொல்கிறேன், இப்போது இருக்கும் இந்திய அணியே மிகச்சிறந்தது’ எனக் கூறியுள்ளார்.
