தீபாவளி, பொங்கல், ஆயுத பூஜை உள்பட பண்டிகை நாட்களில் தமிழ்நாடு அரசு போக்குவரத்து கழகம் சிறப்பு பேருந்துகளை இயக்கி வருகிறது என்பதும் இதன் மூலம் சென்னையில் இருந்து சொந்த ஊர் செல்பவர்களுக்கு பெரும் வசதியாக இருக்கிறது என்பதையும் பார்த்து வருகிறோம்.
இந்த நிலையில் தற்போது அடுத்த கட்டமாக தீபாவளி பண்டிகையை முன்னிட்டு பொதுமக்கள் தங்கள் சொந்த ஊருக்கு செல்வதற்கு வசதியாக சென்னையில் இருந்து நவம்பர் 9, 10, 11 ஆகிய தேதிகளில் சிறப்பு பேருந்துகளை இயக்கப்படும் என தமிழ்நாடு அரசு போக்குவரத்துக் கழகம் தெரிவித்துள்ளது.
மொத்தம் 10975 சிறப்பு பேருந்துகளுக்கு இயக்க திட்டமிட்டு இருப்பதாகவும் அதே போல் பண்டிகை முடிந்து சென்னைக்கு திரும்ப நவம்பர் 13, 14 ,15 வரை 9 ,467 சிறப்பு பேருந்துகளை இயக்கப்படும் என்றும் தமிழ்நாடு அரசு போக்குவரத்து கழகம் தெரிவித்துள்ளது
