புதுக்கோட்டை மாவட்டத்தில் சார்லஸ் நகர் பகுதியைச் சேர்ந்த முருகானந்தம், கரம்பக்குடி தாலுகா கடுக்காய்காடு கிராமத்தைச் சேர்ந்த பழனிவேல் சகோதரர்கள் அதிமுகவில் நிர்வாகிகளாக இருந்தனர். கடந்த சில ஆண்டுகளுக்கு முன்பு முருகானந்தம் அதிமுகவிலிருந்து விலகி பாஜகவில் இணைந்தார். தற்போது அவர் பாஜக மாவட்ட பொருளாளராக உள்ளார் என்பது குறிப்பிடத்தக்கது.
இவர்கள் இருவரும் ஒப்பந்ததாரர்களாக உள்ள நிலையில், அவர்களது வீடுகளில் அமலாக்கத்துறை அதிகாரிகள் திடீரென சோதனை நடத்தி வருகின்றனர். மேலும், ஆலங்குடியைச் பழனிவேல் என்பவரது வீட்டிலும் சோதனை நடைபெற்று வருகிறது.
