கோடை காலம் தொடங்கியுள்ள நிலையில் நாடு முழுவதும் பல பகுதிகளில் வெயில் வாட்டி வருகிறது. தமிழ்நாட்டிலும் பல மாவட்டங்களில் வெயில் கொளுத்தி வரும் நிலையில் சில மாவட்டங்களில் 100 டிகிரி பாரன்ஹீட்டுக்கும் மேல் வெயில் வாட்டி வருகிறது. இந்நிலையில் 4 நாட்களுக்கு மழை வாய்ப்பு உள்ளதாக வானிலை ஆய்வு மையம் அறிவித்துள்ளது.
வானிலை ஆய்வு மைய அறிவிப்பின்படி நாளை ஏப்ரல் 20 முதல் 23 வரை 4 நாட்களுக்கு தமிழ்நாடு, புதுச்சேரி, காரைக்கால் பகுதிகளில் சில பகுதிகளில் ஆங்காங்கே மிதமான மழை பெய்ய வாய்ப்புள்ளதாக தெரிவிக்கப்பட்டுள்ளது.
