10வது முறையாக தி.மு.க. தலைவரானார் கருணாநிதி; பொருளாளரானார் மு.க.ஸ்டாலின்
சனி, 27 டிசம்பர் 2008 (11:38 IST)
சென்னை அண்ணா அறிவாலயத்தில் இன்று நடைபெற்ற தி.மு.க பொதுக்குழு கூட்டத்தில் 10வது முறையாக கட்சித் தலைவராக முதலமைச்சர் கருணாநிதியும், பொதுச் செயலராக அன்பழகனும், பொருளாளராக மு.க.ஸ்டாலினும் தேர்ந்தெடுக்கப்பட்டனர்.
webdunia photo
FILE
தி.மு.க.வில் 13-வது முறையாக உட்கட்சித் தேர்தல் நடைபெற்று முடிந்துள்ளது. அதிலிருந்து பொதுக் குழுவுக்கு உறுப்பினர்கள் புதிதாக தேர்ந்தெடுக்கப்பட்டுள்ளனர். இந்தக் குழுவின் கூட்டம், சென்னையில் கட்சியின் தலைமை அலுவலகமான அண்ணா அறிவாலாயத்தில் இன்று (27ஆம் தேதி) காலை நடைபெற்றது.
webdunia photo
FILE
தி.மு.க தலைவராக கருணாநிதியின் பெயரும், பொதுச் செயலராக க.அன்பழகன் பெயரும், பொருளாளராக மு.க.ஸ்டாலினின் பெயரும் முன்மொழியப்பட்டுள்ளன. அனைத்து மாவட்டங்களைச் சேர்ந்த கட்சி நிர்வாகிகளும் இந்த மூன்று பேரின் பெயரை முன்மொழிந்துள்ளனர்.
இதைத் தொடர்ந்து, இன்று நடைபெற்ற பொதுக்குழு கூட்டத்தில் முறைப்படி அறிவிக்கப்பட்டது. முதல்வரும், தி.மு.க.வின் தற்போதைய தலைவருமான கருணாநிதி, 10-வது முறையாக மீண்டும் தலைவராகவும், 8வது முறையாக பொதுச் செயலராக க.அன்பழகனும் மீண்டும் தேர்ந்தெடுக்கப்பட்டனர்
webdunia photo
FILE
.
கட்சியின் துணை பொதுச் செயலராக இருந்த உள்ளாட்சித்துறை அமைச்சர் மு.க.ஸ்டாலின் பொருளாளராக தேர்ந்தெடுக்கப்பட்டுள்ளார்.
அமைச்சர் ஆற்காடு வீராசாமி முதன்மைச் செயலாளராகவும், துணை பொதுச் செயலராக துரைமுருகன், பரிதிஇளம் வழுதி, சற்குணபாண்டியன் ஆகியோர் தேர்வு செய்யப்பட்டனர்.
