அமைச்சர் என்.கே.கே.பி.ராஜா மீது மேலும் ஒரு வழக்கு!
வெள்ளி, 1 ஆகஸ்ட் 2008 (11:36 IST)
கைத்தறித் துறை அமைச்சர் என்.கே. கே.பி. ராஜா மீது மேலும் வழக்கு சென்னை உயர் நீதிமன்றத்தில் தாக்கல் செய்யப்பட்டது. இது தொடர்பாக பதில் மனு தாக்கல் செய்யுமாறு ஈரோடு மாவட்ட காவல்துறை கண்காணிப்பாளருக்கு நீதிமன்றம் உத்தரவிட்டுள்ளது.
ஈரோடு மாவட்டம் பெருந்துறையை சேர்ந்த இளங்கோவன் என்பவர் சென்னை உயர் நீதிமன்றத்தில் ஒரு தொடர்ந்த வழக்கில், அமைச்சர் என்.கே.கே.பி.ராஜா, அவரது ஆட்கள் தன்னுடைய மாமனார் பழனிச்சாமி, மாமியார் மலர்விழி, மைத்துனர் சிவபாலன் ஆகியோரை கடத்திச் சென்று சட்ட விரோதமாக அடைத்து வைத்திருப்பதாகவும், காவல்துறையினரிடம் புகார் செய்தும் நடவடிக்கை எடுக்க வில்லை என்றும் கடத்தி வைக்கப்பட்டிருந்த மூன்று பேரையும் ஆஜர்படுத்த நீதிமன்றம் உத்தரவிட வேண்டும் என்றும் மனுவில் கூறியிருந்தார்.
