பால்வளத்துறை ஊழியர்களின் வாரிசுதாரர்கள் 9 பேருக்கும், ஆவின் நிறுவன ஊழியர்களின் வாரிசுதாரர்கள் 12 பேருக்கும் மொத்தம் 21 பேருக்கு கருணை அடிப்படையில் பணி நியமன ஆணையினை அமைச்சர் மு.க.ஸ்டாலின் இன்று தலைமைச் செயலகத்தில் வழங்கினார்.
பணிநியமனம் பெற்றுள்ள 21 வாரிசுதாரர்களில் பால் வளத்துறையில் இளநிலை உதவியாளர்களாக 4 பேரும், கால அளவை மஸ்தூர்களாக 5 பேரும், ஆவின் சென்னை நிறுவனத்தில் தொழிற்சாலை உதவியாளர்களாக 12 பேரும் பணியமர்த்தப்படுவார்கள் என்று தமிழக அரசு வெளியிட்டுள்ள செய்திக்குறிப்பில் கூறப்பட்டுள்ளது.
