''இலங்கையின் சுதந்திர தின விழாவில் பங்கேற்காமல் தமது பயணத்தை ரத்து செய்த பிரதமர் மன்மோகன்சிங்கின் முடிவு வரவேற்கத் தக்கது'' என்று திராவிடர் கழகத் தலைவர் வீரமணி கூறியுள்ளார்.
இது குறித்து கி.வீரமணி இன்று வெளியிட்டுள்ள அறிக்கையில், பல்வேறு அரசியல் கட்சித் தலைவர்கள், தமிழ் அமைப்புகள் பிரதமர் இலங்கை செல்லக்கூடாது என்று முன் வைத்த கோரிக்கையை ஏற்று தமிழர்களின் உணர்வுகளுக்கு மதிப்பளித்துள்ள பிரதமர் ஒரு தலைசிறந்த ஜனநாயகவாதி.
இதேபோல, ஈழத் தமிழர்களின் வாழ்வுரிமையை உறுதி செய்யும் அத்தனை முயற்சிகளையும் மத்திய அரசு, தமிழக முதல்வருடன் கலந்து ஆலோசித்து விரைந்து மேற்கொள்ள வேண்டும். 2008ல் ஈழத் தமிழர்கள் ஒரு புதிய விடிவை காண உதவ வேண்டியது அவசியம் என்று வீரமணி கூறியுள்ளார்.
