காவிரி நீர்ப்பிடிப்பு பகுதிகளில் பலத்த மழை பெய்து வருவதால் இன்று மாலைக்குள் மேட்டூர் அணை 5வது முறையாக நிரம்ப உள்ளதாக பொதுப் பணித்துறை வட்டாரங்கள் தெரிவித்தன.
கர்நாடகத்தில் கடந்த 2 நாட்களாக பலத்த மழை பெய்து வருகிறது. இதனால் மேட்டூர் அணைக்கு நீர் வரத்து அதிகரித்த வண்ணம் இருந்தது. அணையின் மொத்த கொள்ளளவு 120 அடி ஆகும். தற்போது 119.88 அடியாக உள்ளது.
அணைக்கு வினாடிக்கு 26,607 கன அடி தண்ணீர் வந்து கொண்டிருக்கிறது. அணையில் இருந்து 20,000 கன அடி நீர் வெளியேற்றப்படுகிறது. இன்று மாலைக்குள் அணை நிரம்பிவிடும் என்று பொதுப் பணித்துறை வட்டாரங்கள் தெரிவித்தன.
இந்த ஆண்டில் 5வது முறையாக மேட்டூர் அணை நிரம்ப உள்ளது என்பது குறிப்பிடத்தக்கது.
