மாருதி-சுசூகி வழங்கும் ஒரு நாள் சர்வதேச கிரிக்கெட் தரவரிசையில் சச்சின் டெண்டுல்கர் முதலிடம் பிடித்துள்ளார்.
198 புள்ளிகளுடன் சச்சின் முதலிடத்திலும் 180 புள்ளிகளுடன் தோனி 7வது இடத்திலும் உள்ளனர். 167 புள்ளிகள் பெற்று கௌதம் காம்பீர் 12வது இடத்திலும், 155 புள்ளிகளுடன் யுவ்ராஜ் சிங் 17வது இடத்திலும் உள்ளனர்.
பந்து வீச்சு தரவரிசையில் பிரட் லீ 196 புள்ளிகளுடன் முதலிடம் வகிக்கிறார். முதல் 10 வீரர்களில் இந்திய பந்து வீச்சாளர்கள் ஒருவரும் இல்லை. 155 புள்ளிகள் பெற்று இஷாந்த் ஷர்மா 11வது இடத்தில் உள்ளார்.
ஸ்ரீசாந் 150 புள்ளிகள் பெற்று 12ஆவது இடத்திலும், ஆர்.பி.சிங் 18ஆவது இடத்திலும் உள்ளனர்.
ஒரு நாள் அணி தரவரிசையில் 108 புள்ளிகளுடன் ஆஸ்ட்ரேலியா முதலிடத்தில் உள்ளது, தென் ஆப்பிரிக்கா 104 புள்ளிகளுடன் 2வது இடத்திலும் 99 புள்ளிகளுடன் இந்தியா 3ஆவது இடத்திலும் உள்ளது.
