இருந்தாலும், ஒவ்வொரு நாளும் மாலை 4 மணிக்கு மேல் முழு அடைப்பை மேற்கொள்ள வேண்டும் என்று கடைகள், வர்த்தக நிறுவனங்களின் உரிமையாளர்களுக்கு பிரிவினைவாத அமைப்புகளின் ஒருங்கிணைப்புக் குழு கோரிக்கை விடுத்துள்ளது. ஒவ்வொரு வாரமும் வெள்ளிக் கிழமை தொழுகைக்குப் பிறகு அமைதியான முறையில் போராட்டங்கள் நடத்தப்படும் என்றும் அந்தக் குழு அறிவித்துள்ளது.
பாகிஸ்தான் ஆக்கிரமிப்புப் பகுதிக்குள் செல்லக் கூடிய எல்லாச் சாலைகளையும் வர்த்தகத்திற்குத் திறந்துவிட வேண்டும் என்றும், இதுவரை கைது செய்யப்பட்டுள்ள போராட்டக்காரர்களை உடனடியாக விடுவிக்க வேண்டும் என்றும் ஒருங்கிணைப்புக் குழு கோரிக்கை விடுத்துள்ளது.
