உலகம் முழுவதும் ஏராளமானோரால் பயன்படுத்தப்படும் செயலியில் முக்கியமானது வாட்ஸப். காலத்திற்கு ஏற்ப வாட்ஸப் செயலி தொடர்ந்து பல அப்டேட்களை வெளியிட்டு வருகிறது. வாட்ஸப் மூலமாக பணம் செலுத்தும் வசதி, அதிக அளவு உள்ள ஃபைல்களை ஷேர் செய்யும் வசதி என பல வசதிகள் அப்டேட் செய்யப்பட்டுள்ளன.
இனி அதிலும் சில மாற்றங்களை வாட்ஸப் செய்கிறது. தனி நபரை தரக்குறைவாக விமர்சித்தோ அல்லது பெண்களை அவதூறாக சித்தரித்தோ ஸ்டேட்டஸ் வைத்தால் அந்த ஸ்டேட்டஸ் மீது புகாரளிக்கும் வசதி அப்டேட் செய்யப்பட உள்ளது. அளிக்கப்படும் புகார்களை ஆய்வு செய்து அந்த ஸ்டேட்டஸை வாட்ஸ் அப்பே நீக்கிவிடும். தொடர்ந்து அவ்வாறாக ஸ்டேட்டஸ் போடுபவர்களை குறிப்பிட்ட காலத்திற்கு ஸ்டேட்டஸே போட முடியாமல் முடக்கும் நடவடிக்கைகளும் மேற்கொள்ளப்படலாம் என கூறப்படுகிறது.
