சுந்தர் சி. நடிப்பில் ரஜினியின் முரட்டுக்காளை வேகமாக ரீமேக்காகி வருகிறது. கே. செல்வபாரதி இந்த ரீமேக்கை இயக்குகிறார்.
தலக்கோணம் பகுதியில் படத்தின் முதல் இரண்டுகட்ட படப்பிடிப்பு நடந்தது. ரஜினியின் வேடத்தில் சுந்தர் சி.யும், ரதி வேடத்தில் சினேகாவும் நடித்தனர். இன்னொரு நாயகியாக சிந்து துலானி ஒப்பந்தமாகியுள்ளார்.
ஜெய்சங்கர் நடித்த வில்லன் வேடத்தை சுமன் ஏற்றிருக்கிறார். இவர்களுடன் விவேக், தியாகு ஆகியோரும் படத்தில் நடித்து வருகின்றனர். ரஜினியின் முரட்டுக்காளையில் இடம்பெற்ற, பொதுவாக எம்மனசு தங்கம், ஒரு போட்டியினு வந்துவிட்டா சிங்கம்... பாடல் ஸ்ரீகாந்த் தேவா இசையில் ரீமிக்ஸ் செய்யப்பட்டுள்ளது.
