உக்ரைன் மீது உலக நாடுகளின் எதிர்ப்பையும் மீறி ரஷ்யா போர் தொடுத்துள்ளது. இதனால் ரஷ்யாவை கண்டிக்கும் விதமாக உலக நாடுகள், பன்னாட்டு நிறுவனங்கள் ரஷ்யா மீது பல்வேறு தடைகளை விதித்து வருகின்றன. போர் நிறுத்தம் தொடர்பாக ரஷ்யா – உக்ரைன் இடையே நடந்த மூன்று கட்ட பேச்சுவார்த்தையும் தோல்வியில் முடிந்தது.
இதனிடையே தனது வலிமையான படைகள் மூலம் உக்ரைனை எளிமையாக வீழ்த்தலாம் என்ற ரஷ்யாவின் எண்ணத்தை உக்ரைன் படையினர் பொய்யாக்கி வருகிறார்கள். பல இடங்களில் ரஷ்ய படைகளுக்கு தக்க பதிலடி அளித்து வரும் உக்ரைன் வீரர்கள், ரஷ்ய கவச வாகனங்களை கைப்பற்றி தங்கள் வசமாக்கி வருகின்றனர்.
