உங்களுக்கு ஏதேனும் உதவி தேவைப்பட்டால், ஈரானில் உள்ள இந்திய தூதரகத்தின் அவசர எண்களான 98 9128109115 மற்றும் 98 9128109109 ஆகியவற்றை தொடர்பு கொள்ளலாம். அத்துடன், ஈரானில் உள்ள இந்தியர்கள் மிகுந்த எச்சரிக்கையுடன் இருக்குமாறும், தேவையற்ற பயணங்களை தவிர்த்து பாதுகாப்பாக இருக்குமாறும் வெளியுறவுத்துறை கேட்டுக் கொண்டுள்ளது.
இஸ்ரேல், ஈரானின் முக்கிய அணு ஆயுதத் தளங்கள், ஏவுகணை உற்பத்தி ஆலைகள் மற்றும் ராணுவத் தளங்கள் மீது வெள்ளிக்கிழமை தாக்குதல் நடத்தியது. இதற்கு பதிலடியாக, ஈரானும் இஸ்ரேலின் பல பகுதிகள் மீது நள்ளிரவு முதல் அதிகாலை வரை ஏவுகணைத் தாக்குதல்களை நடத்தியது.
