ஆனால், அவரது பதவிக்காலம் முடிந்து டிரம்ப் பதவியேற்றதும் இது பைத்தியக்காரத்தனமான ஒப்பந்தம் என்று கூறி அதில் இருந்து விலகினார். மேலும், ஈரான் மீது பல பொருளாதாரத் தடைகளை விதித்தார்.
இந்நிலையில், இன்று ஈரான் இந்தியாவின் நிலை குறித்து தெரிவித்துள்ளது பின்வருமாறு, கச்சா எண்ணெய் ஏற்றுமதியில் எங்களுடைய இந்திய நண்பர்கள் பொருளாதார ரிதியாக தொடர்ந்து எங்களுக்கு ஒத்துழைப்பு அளிப்பார்கள்.
ஏற்கனவே, அமெரிக்கா விதித்த பொருளாதாரத் தடைகளையும் மீறி ஈரானுடன் கச்சா எண்ணெய் உள்ளிட்ட வர்த்தகத்தில் ஈடுபட இங்கிலாந்து, பிரான்ஸ், ஜெர்மனி, ரஷ்யா, சீனா ஆகிய நாடுகள் ஒப்பந்தத்தில் கையெழுத்திட்டுள்ளனர்.
இப்போது, இந்திய அரசு இது குறித்து என்ன முடிவெடுக்கும் என தெரியவில்லை. ஏற்கனவே, இந்தியாவில் பெட்ரோல், டீசல் விலை அதிகரித்து வருவதால், இன்னும் ஒரே மாதத்தில் இந்தியாவின் முடிவு பெரும் மாற்றத்தை ஏற்படுத்த வாய்ப்புள்ளது. ஆனால், இந்த மாற்றம் நன்மைக்கானதா என்பதே சந்தேகம்.
