முன்னாள் அதிபர் ஜோ பைடனுக்கு தீவிரமான புற்றுநோய்.. அமெரிக்க மக்கள் அதிர்ச்சி..!

அமெரிக்க முன்னாள் அதிபர் ஜோ பைடனுக்கு  தீவிரமான புரோஸ்டேட் புற்றுநோய் இருப்பது சமீபத்தில் கண்டறியப்பட்டுள்ளது. 

கடந்த ஜனவரி மாதத்தில் அதிகாரத்தில் இருந்து ஓய்வு எடுத்த பைடன், சிறுநீர் தொடர்பான பிரச்சனைக்காக கடந்த வாரம் மருத்துவர்களை சந்தித்த போது இந்த புற்றுநோயை அறிந்துகொண்டார்.

மருத்துவர்கள் கூறியதன்படி, புற்றுநோய் அவரது எலும்புகள் பகுதிகளிலும் பரவியிருப்பதாக தகவல் உள்ளது. இந்நிலையில், பைடன் மற்றும் அவரது குடும்பத்தினர் சிகிச்சை முறைகள் பற்றி மருத்துவ ஆலோசனைகளை தொடர்ந்து வருகிறார்கள். புற்றுநோயின் தாக்கம் தீவிரமான போதிலும், குணமடையக்கூடிய வாய்ப்புகள் உள்ளன என்று குடும்பத்தினர் நம்பிக்கை தெரிவித்துள்ளனர்.

அமெரிக்க முன்னாள் அதிபர் ஜோ பைடனுக்கு இந்த செய்தி தெரியவரும்போது, அமெரிக்க  அதிபர் டொனால்ட் டிரம்ப் மற்றும் அவரது மனைவி மெலானியா கவலைப்பட்டுள்ளனர் என்றும், பைடன் விரைவில் சுகமாக மீள வாழ்த்துவதாகவும் அவர் தெரிவித்துள்ளார்.

தற்போது, மருத்துவர்கள் பைடனுக்கு சிறந்த சிகிச்சை வழங்குவதற்காக பணி புரிந்து வருவதாக அறியப்படுகிறது.

Edited by Siva