மனித இனம் உருவான காலத்தில் இருந்தே பல நோய்களை, உயிர்க்கொல்லிகளை எதிர்த்து போராடி பலவற்றில் வெற்றியும் பெற்றுள்ளான். ஆனால் மனிதனால் இன்னும் வெல்ல முடியாத சில விஷயங்களும் உலகில் இருக்கவே செய்கின்றன. அவற்றில் முக்கியமானதும் அச்சுறுத்தகூடியதுமான முதல் விஷயம் என்ன தெரியுமா?. எய்ட்ஸ்...
எய்ட்ஸ் நோய் மனிதனின் நோய் எதிர்ப்பு மண்டலத்தைத் தாக்கி முழுவதுமாக பலமிழக்க செய்வதால் அதற்கான மருந்துகள் கண்டுபிடிப்பதில் இன்னும் சிக்கல் நீடித்து வருகிறது. ஆனால் முழுமையான தீர்வுதான் கண்டுபிடிக்கப்பட வில்லையே தவிர, இந்நோயால் பாதிக்கப்பட்டவர்கள் நீண்டகாலம் மருந்துகளின் உதவியால் ஆரோக்யமாக வாழ்வதற்கான வழியினை நவீன அறிவியல் கொடுத்துள்ளது.
