ஆபாச பட நடிகைக்கு பணம் கொடுத்த வழக்கில் அமெரிக்க முன்னாள் அதிபர் டிரம்ப் குற்றவாளி என நீதிமன்றம் தீர்ப்பு அளித்துள்ளது. மேலும் இந்த தீர்ப்பில் 34 குற்றச்சாட்டுகள் நிரூபிக்கப்பட்டுள்ளதாக நியூயார்க் நீதிமன்றம் தனது தீர்ப்பில் அதிரடியாக தெரிவித்துள்ளது. மேலும் டொனால்ட் டிரம்புக்கான தண்டனை விபரங்கள் ஜூலை 11-ம் தேதி அறிவிக்கப்படும் என தகவல் வெளியாகியுள்ளது.
இந்த ஆண்டு நடைபெறும் அமெரிக்க அதிபர் தேர்தலில் போட்டியிட டிரம்ப் தயாராக இருந்த நிலையில் இந்த தீர்ப்பு அவருக்கு பெரும் பின்னடைவை ஏற்படுத்தும் என்றும் தண்டனை விவரத்தை பொறுத்து அவர் இந்த தேர்தலில் நிற்க முடியுமா அல்லது தேர்தலில் நிற்க தகுதியற்றவர் ஆகி விடுவாரா என்பது குறித்து தெரியவரும் என்றும் அமெரிக்க சட்ட வல்லுநர்கள் கூறி வருகின்றனர்
