உலக புகழ்பெற்ற பியர் க்ரில்ஸின் காட்டு பயண சாகசமான ‘மேன் வெர்சஸ் வைல்ட்’ நிகழ்ச்சியில் பல பிரபலங்கள் இதுவரை கலந்து கொண்டுள்ளனர். அமெரிக்க முன்னாள் அதிபர் ஒபாமா முதல் ஹாலிவுட் ஸ்டார்கள் வரை பலர் கலந்து கொண்ட இந்த நிகழ்ச்சியில் கடந்த ஆண்டு பிரதமர் மோடி கலந்து கொண்டார். மேன் வெர்சஸ் வைல்ட் நிகழ்ச்சியில் முதன்முறையாக கலந்து கொண்ட இந்திய பிரபலம் பிரதமர் நரேந்திர மோடிதான்.
ரஜினிகாந்துடன் காட்டில் பயணித்தது குறித்த தந்து அனுபவங்களை பியர் க்ரில்ஸ் ட்விட்டரில் பகிர்ந்துள்ளார். அதில் அவர் ”பிரதமர் நரேந்திர மோடியுடன் செய்த பயணத்தை டிவி வரலாற்றிலேயே 3.6 பில்லியன் பேர் பார்த்திருந்தார்கள். எங்களது புதிய தொடருக்கு ரஜினிகாந்த் நிகழ்ச்சி ஒரு சிறந்த தொடக்கமாக இருக்கும் என நம்புகிறோம்” என தெரிவித்துள்ளார்.
