தமிழ் சினிமாவில் பல படங்களுக்கு காமெடி டிராக் எழுதியவர் எஸ் பி ராஜ்குமார். வடிவேலு மற்றும் கவுண்டமணி ஆகியோருக்கு பல படங்களில் எழுதியுள்ள அவர் பொன்மனம் உள்ளிட்ட சில படங்களையும் இயக்கியுள்ளார். அதில் முக்கியமாக விஜய்யின் 50 ஆவது படமான சுறா படத்தை இயக்கினார். ஆனால் அந்த படம் படுதோல்வி அடைந்ததால் தொடர்ந்து அவருக்கு வாய்ப்புகள் கிடைக்கவில்லை. அதன் பின்னர் அழகர்மலை படத்தை இயக்கினார். அந்த படமும் ஹிட்டாகவில்லை.
