தளபதி விஜய் நடிப்பில் அட்லி இயக்கத்தில் ஏஜிஎஸ் நிறுவனம் தயாரிப்பில் ஏஆர் ரஹ்மான் இசையில் உருவாகியிருக்கும் பிகில் திரைப்படம் கடந்த அக்டோபர் 25-ஆம் தேதி உலகம் முழுவதும் வெளியானது. இந்தப் படம் முதல் நான்கு நாட்கள் மிகப்பெரிய வசூலை பெற்று வந்தாலும் ஐந்தாவது நாளில் இருந்து வசூல் குறைந்ததாக கூறப்பட்டது. இருப்பினும் இந்த படம் தற்போது ரூபாய் 200 கோடிக்கு மேல் வசூல் செய்ததாக கோலிவுட் வட்டாரங்கள் தெரிவிக்கின்றன
ரூபாய் 180 கோடியில் தயாரிக்கப்பட்ட இந்தப் படம் ரூ 200 கோடிக்கும் மேல் வசூல் செய்துள்ளதால் இந்த படம் வசூல் அளவில் ஒரு வெற்றிப்படம் என்பது உறுதியாகிறது. இந்த நிலையில் சிறிய பட்ஜெட் படங்கள் எல்லாம் சக்சஸ் மீட் வைத்து வெற்றியை கொண்டாடி வரும் நிலையில் பெரிய பட்ஜெட் படமான பிகில் படத்தின் சக்சஸ் மீட் ஏன் இன்னும் கொண்டாடப்படவில்லை என விஜய் ரசிகர்கள் தரப்பில் இருந்து கேள்விகள் எழுப்பப்பட்டன
