தளபதி விஜய் நடித்த பிகில் திரைப்படம் சமீபத்தில் வெளியாகி மிகப்பெரிய வெற்றி பெற்றதாக அறிவிக்கப்பட்டுள்ளது. இந்த படம் உலகம் முழுவதும் ரூ.200 கோடிக்கும் மேல் வசூல் செய்ததாக கூறப்பட்டாலும் இந்த தகவலை தயாரிப்பு தரப்பினரோ அல்லது விநியோகிஸ்தர்களோ உறுதி செய்யவில்லை. ஆனால் இந்த படம் இதுவரை உலகம் முழுவதும் 180 கோடி ரூபாய் மட்டுமே வசூல் செய்ததாக கோலிவுட்டில் சிலர் கூறி வருகின்றனர்
இந்த நிலையில் இதற்கு முன் வெளிவந்த மாஸ் நடிகர்களின் சில படங்களையும் பிகில் படத்தையும் தற்போது ஒரு ஒப்பீடு செய்வோம். அஜித் நடித்த விஸ்வாசம் திரைப்படம் ரூ.90 கோடி பட்ஜெட்டில் தயாராகி தமிழகத்தில் ரூ.145 கோடியும், உலகம் முழுவதும் 206 கோடியும் வசூல் செய்துள்ளது. அதேபோல் அஜித்தின் ’நேர்கொண்ட பார்வை திரைப்படம் ரூ.80 கோடி பட்ஜெட்டில் தயாராகி தமிழகத்தில் மட்டும் ரூ.90 கோடியும், உலகம் முழுவதும் 166 கோடியும் வசூலாகியுள்ளது. அதேபோல் ரஜினியின் பேட்ட’ திரைப்படம் ரூ.150 கோடி பட்ஜெட்டில் தயாரிக்கப்பட்டு தமிழகத்தில் 115 கோடியும், உலகம் முழுவதும் ரூ.210 கோடியும் வசூல் செய்தது
இந்த நிலையில் 180 கோடி பட்ஜெட்டில் தயாரான விஜய்யின் பிகில் படம் தமிழகத்தில் 95 கோடியும், உலகம் முழுவதும் 180 கோடி வசூலித்ததாக கூறப்படுகிறது. மாஸ் நடிகர்களின் படங்கள் பிரமாண்டமாக இருந்தாலும் அதிக பட்ஜெட்டில் தயாரானால் அந்த படம் நல்ல வசூலை கொடுத்தாலும் தயாரிப்பாளர்களுக்கும் விநியோகஸ்தர்களுக்கும் எந்தவித லாபத்தையும் கொடுக்காது என்பதும், குறைவான, அளவான பட்ஜெட்டில் எடுக்கும் படங்கள் மட்டுமே லாபத்தை கொடுக்கும் என்பதும் தெளிவாகிறது
