தல அஜித் நடித்து வரும் 'விசுவாசம்' படத்தின் படப்பிடிப்பு விறுவிறுப்பாக நடந்து வரும் நிலையில் இந்த படத்தின் ஃபர்ஸ்ட்லுக் வரும் செப்டம்பர் 13ஆம் தேதி விநாயகர் சதுர்த்தி தினத்தில் வெளியாகும் என்று கூறப்பட்டது. அதே நாளில் விஜய்யின் 'சர்கார்' படத்தின் டீசரும் வெளியாகும் என்று கூறப்பட்டதால் அஜித், விஜய் ரசிகர்கள் உற்சாகத்தில் இருந்தனர்.
இயக்குனர் சிவா இயக்கத்தில் டி.இமான் இசையில் உருவாகி வரும் இந்த படத்தில் அஜித், நயன்தாரா, விவேக், கோவை சரளா, யோகிபாபு, ரோபோ சங்கர், தம்பி ராமையா, போஸ் வெங்கட், உள்ளிட்ட பலர் நடித்து வருகின்றனர்.
