களவாணி படத்தின் மூலம் தமிழ் சினிமா ரசிகர்களைக் கவர்ந்த விமல், தொடர்ந்து கிராமத்துக் கதையம்சம் கொண்ட படங்களாக நடித்து வந்தார். அதில் ஒரு சில படங்களை தவிர மற்ற படங்கள் தோல்வி அடைந்ததால் கடந்த சில வருடங்களாக அவர் கைவசம் படங்கள் எதுவும் இல்லாத நிலை உருவானது. இந்நிலையில் அவர் நடித்துள்ள விலங்கு என்ற வெப்சீரிஸ் ஜி 5 தளத்தில் வெளியாகி கவனம் பெற்றது.
இந்நிலையில் விமல் தற்போது இயக்குனர் அப்துல் மஜித் இயக்கி வரும் புதிய படத்தில் நடித்து வருகிறார். அப்துல் மஜித் விஜய்யின் தமிழன் படத்தை இயக்கியவர். இந்த படத்தை அடுத்த ஆண்டு பொங்கலுக்கு ரிலீஸ் செய்ய உள்ளதாக தகவல்கள் வெளியாகியுள்ளன. யோகி பாபு இந்த படத்தில் ஒரு முக்கியமான கதாபாத்திரத்தில் நடித்துள்ளார். இந்த படத்தின் தலைப்பு மற்றும் இன்னபிற விஷயங்கள் விரைவில் அறிவிக்கப்படும் என தெரிகிறது.
