விஜய் சேதுபதி நடித்த ஐம்பதாவது திரைப்படம் மகாராஜா என்பதும் இந்த படம் விரைவில் வெளியாக இருக்கும் நிலையில் அவரது 51 வது படத்தை ஆறுமுககுமார் என்ற இயக்குனர் இயக்கி வந்தார் என்பதும் தெரிந்தது. இவர் ஏற்கனவே விஜய் சேதுபதி நடித்த ’ஒரு நல்ல நாள் பார்த்து சொல்றேன்’ என்ற படத்தை இயக்கிய நிலையில் தற்போது 51 வது படத்தையும் இயக்கி முடித்து விட்டார் என்றே தெரிகிறது.
இந்த நிலையில் சற்றுமுன் விஜய் சேதுபதி தனது எக்ஸ் பக்கத்தில் தனது 51-வது பட டைட்டில் நாளை அறிவிக்கப்பட இருப்பதாக தெரிவித்துள்ளார். ஆனால் அதே நேரத்தில் இந்த படத்தின் டைட்டில் ஏற்கனவே கசிந்து விட்டதாகவும் ’சத்தியமா பொய்’ என்ற டைட்டில் தான் நாளை வெளியாக இருப்பதாகவும் இணையத்தில் சிலர் பதிவு செய்து வருகின்றனர். இந்த டைட்டில் உண்மையா என்பதை நாளை வரை பொறுத்து இருந்து பார்ப்போம்.
