ஷூட்டுக்கு தயாரான அரண்மனை 4 படக்குழு… எப்போ தெரியுமா?

விஜய் சேதுபதி நடிப்பில் சுந்தர் சி இயக்கும் அரண்மனை 4 படத்துக்கான ஆரம்ப கட்ட வேலைகள் நடந்து வருகின்றன.

கடந்த 25 ஆண்டுகளுக்கும் மேலாக தமிழ் சினிமாவில் கமர்ஷியல் இயக்குனராக வலம் வந்து கொண்டிருக்கிறார். தமிழில் நகைச்சுவை பேய்ப் படங்களின் வரிசையைத் துவக்கிவைத்ததில் 2014ல் வெளிவந்த அரண்மனை படத்தின் வெற்றிக்கு முக்கியப் பங்கு உண்டு. 2014ல் துவங்கிய அரண்மனை வரிசையின் மூன்று பாகங்கள் இதுவரை வெளியாகியுள்ளன.

அதையடுத்து பேய் படங்களுக்கு கேப் விட்டு பீல்குட் படமாக காபி வித் காதல் திரைப்படத்தை இயக்கினார். அந்த படம் அவருக்கு பெரிதாக கைகொடுக்கவில்லை. இதையடுத்து மீண்டும் தனது பழைய ஹிட் படமான அரண்மனை படத்தின் நான்காம் பாகத்தை தொடங்க உள்ளதாக தகவல்கள் வெளியாகியுள்ளன. இந்த படத்தில் விஜய் சேதுபதி கதாநாயகனாக நடிக்க உள்ளதாக தகவல்கள் வெளியாகியுள்ளன.

இந்த படத்துக்கான ஆரம்பகட்ட வேலைகள் நடந்து முடிந்துள்ள நிலையில் மார்ச் மாதத்தில் ஷூட்டிங் தொடங்கும் என தகவல்கள் வெளியாகியுள்ளன.