விஜய், தற்போது இயக்குனர் வெங்கட் பிரபு இயக்கத்தில் The Greatest Of All Time என்ற படத்தில் நடித்து வருகிறார். இந்த படத்தில் அவரோடு பிரசாந்த், பிரபுதேவா, மீனாட்சி சௌத்ரி, ஜெயராம் மற்றும் மோகன் ஆகியோர் நடிக்கின்றனர். யுவன் ஷங்கர் ராஜா இசையமைக்க, சித்தார்த்தா நுனி ஒளிப்பதிவு செய்து வருகிறார். படத்தை ஏஜிஎஸ் நிறுவனம் தயாரித்து வருகிறது.
இந்த படத்தின் திரையரங்க ரிலீஸுக்குப் பின்னரான ஓடிடி உரிமையை நெட்பிளிக்ஸ் நிறுவனம் கைப்பற்றியுள்ளது. முன்னதாக GOAT படக்குழுவினர் சொன்ன விலை, மிக அதிகமாக இருந்ததால் நெட்பிளிக்ஸ் நிறுவனம் தயங்கியதாக சொல்லப்பட்டது. இப்போது இரு தரப்புக்கும் சுமுகமான தொகையில் இந்த பிஸ்னஸ் முடிந்துள்ளதாக சொல்லப்படுகிறது.
